Knightfall (2017)

Првата сезона од новата серија Knightfall од каналот Хистори, ги води гледачите во светот на витезите темплари, најмоќниот, најтаинствен и најбогат средновековен воен ред кому му била доверена заштитата на најдрагоцените христијански реликвии.

Дејството во серијата почнува после падот на градот Акра, последно темпларско упориште во Светата земја, каде е изгубен Светиот грал. Со години подоцна, се појавува трага која сугерира каде се наоѓа Гралот, поради што темпларите тргнуваат во опасен и смртоносен поход предводени од племенитиот и храбар витез Лендри (Tom Cullen).

Серијата освен за битката за пехарот од кој Исус пиел за време на Последната вечера, се осврнува и на судирот на темпларите со францускиот крал, како и на настаните кои довеле до пропаст на темпларскиот ред на петок 13-ти во 1307 година – датумот кој со тек на времето станал синоним за несреќа. Се фокусира на теми како што се религија, жртвување, политика, љубов, моќ и одмазда и задира длабоко во сите тајни на светот на витезите за да дознаат гледачите кои биле темпларите, како живееле и за што биле подготвени да умрат.

Остатокот од актерската постава го сочинуваат Pádraic Delaney (The Wind That Shakes the Barley, The Tudors) како Гавејн, најдобар мечувалец на темпларите кој во текот на битката за Акра останал осакатен; Simon Merrells (Spartacus, Dominion) како храбар и одлучен витез Танкреди кому темпларскиот завет му бил над сѐ; Jim Carter (Downton Abbey) како свет водач на темпларите, папа Бонифације VII; Olivia Ross (War and Peace) како моќна Џоан, кралица на Навара, лојална мајка, дипломатка, стратег и сопруга на францускиот крал Филип IV; Ed Stoppard (The Crown) како некогаш најмоќниот европски владетел, француски крал Филип Philip IV; Julian Ovenden (Downton Abbey) како негова десна рака и адвокат Вилијам Де Ногарет и Sabrina Bartlett (DaVinci’s Demons) како принцезата Изабела, ќерка на кралот Филип и кралицата Џоан.

Премиерната епизода ќе биде емитувана на 6 декември.

Oбработил/ла:

icemaher

Слично за гледање
Коментари (45)

Britannia (2017)
драма, акција, фантазија
„Британија“ е драма што се одвива во 43 година од нашата ера, кога римската војска се враќа за да ги уништи Келтите во Британија која тогаш била таинствена земја во која владееле воинки и моќни...
Roman Empire (2016)
биографски, драма, документарен
Приказната го следи владеењето на императорот Комодо, чие владеење го означило крајот на Римското царство.
Barbarians (2020)
драма, историски, акција, авантура
Serija govori o događajima koji su prethodili bitci u Teutoburškoj Šumi, kao i samoj bitci, koja se odigrala u drugoj polovini 9. godine N.E. U središtu radnje su tri lika koja se poznaju od...
The Last Kingdom (2015)
драма, историски, акција, љубовен, романса
Дејствието во серијата се врти околу Ухтред од Бебанбург, кој како дете е грабнат и одгледуван од страна на Викингот. Тој подоцна се борел за кралот Алфред и неговиот син Едвард. Кралот Алфред...

За коментирање мора да бидете пријавени!

CSInvestigator
Translator
17.05.2020. 17:54
Serija je i zvanično otkazana nakon 2. sezone
silversurfer
member
16.05.2019. 15:34
Odlična serija,istorijske činjenice pokazuju pravo lice svake vlasti
cersei
Junior translator
08.05.2019. 23:14
morala probati