Za sve opcije molim te da se prijaviš ili registriraš!
}
Година:
2017Жанр:
документаренТраење:
72 минАвтори:
Konstantin ErnstРежија:
Kristina KozlovaСценарио:
Valdis Pelsh, Irina MikhaylovaГлавни улоги:
Konstantin Khabenskiy > narator
Опис:
Документарен филм од Константин Ернст за советското бомбардирање на Берлин во 1941 година.
На 22 јуни 1941 година, посадите на јуришните бомбардери добиле карти со маршрута до Берлин. Верувале дека веќе утре-задутре ќе им наредат напад на Берлин, но поминала една недела, а потоа и втора и трета, а наредбата не пристигнувала.
Точно месец дена подоцна, на 22 јули, Германците ја бомбардирале Москва. Уште на 8 јули началникот на главниот штаб на германската армија Гајдер пишал: “Фирерот наредил до крајот на годината да ја срамниме Москва и Ленинград, за да ги очистиме од жители, кои во спротивно би морале да ги храниме во текот на зимата. Задачата со уништување на тие градови мора да ја изврши авијацијата. Фирерот е убеден дека тоа ќе биде катастрофа која ќе го уништи не само бољшевизмот туку и самите Руси.“ Москва се подготвувала за бомбардирање, а паралелно со тоа се подготвувале и посадите за напад на Берлин.
Многумина веруваат дека тие години Берлинците воопшто не знаеле како звучат сирените за воздушна тревога, но не е така. Првите кои го бомбардирале Берлин се Французите. Навистина, со еден авион и само еднаш, во ноќта меѓу 7 и 8 јуни 1940 година. Потоа нападите ги преземале Британците.
Веќе следниот ден после првиот германски напад врз Москва, командантот на авијацијата, генералот Жаворонков барал да се возврати со удар врз Берлин. Иако делувало безумно, планот бил сосема реален. Тоа било доверено на првиот миноторпеден полк на полковникот Преображенски. Во почетокот на војната, веќе постоеле модерни бомбардери, но уште недоволно проверени, па задачата им е доверена на авионите DB-3B, кои ги сметале за застарени и спори. Многу мотори биле премногу користени, без радио навигација и автопилот. Групата од 20 одберени посади на полковникот Преображенски е префрлена на таен аеродром Кагул, на островот Сарема кој во август 1941 година бил најзападна слободна територија на СССР. Земјената писта е порамнета и продолжена колку било можно. Летачкиот состав е сместен во зграда на училиште во место кое за пилотите имало непријатно име - Падала.
Наутро на 7 август, командантот Жаворонков и полковникот Преображенски ги запознаваат пилотите со деталите на операцијата и соопштуваат дека летот ќе биде истиот ден. Главни објекти на нападите биле фабрики за тенкови и авиони во Берлин, аеродроми и железнички станици каде се товарени оружјето, муницијата и армијата за источниот фронт.
Над Балтикот било мошне облачно и авионите морале да се подигнат над 6000 м. Кабините не се херметични и температурата во кабините била -40°C, како и надвор. Според пресметките, до Берлин било 890км, од кои 700км требало да летаат над морето. Нападот сепак бил успешен и после исфрлувањето бомби, радистот ја крши наредбата за радио тишина и испраќа на Сарема радиограм: “Мојата положба е Берлин. Задачата е исполнета. Се враќаме дома.“
Бомбардирањето на Берлин е продолжено со огромни напори и жртви, но после зборовите на првиот командант на освоениот Берлин во 1945 влеало голема надеж: Кога сме успеале да долетаме, еден ден ќе стигнеме и по земјата. Еден од учесниите на Берлинската операција рекол: Живееме според Дарвиновиот закон - само најсилните долетуваат.
Нападите на Москва со различен интензитет траеле до пролетта 1942 година. Продолжиле во јули 1942 и траеле до 1945 година.
Oбработил/ла:
icemaher- Коментари
За коментирање мора да бидете пријавени!